Evalueringsprogram 2008–2010

Evalueringsprogrammet byggjer på instruksen for evaluering frå mai 2006 og evalueringsavdelinga sin eigen Evalueringspolitikk fram til 2010. I programmet for 2008 - 2010 vil vi leggje særleg vekt på:

• statens økonomistyringsreglements pålegg om at evaluering skal ta utgangspunkt i det som er vesentleg, har eigenart eller inneber risiko
• at heile budsjettområde 03 (utviklingsbudsjettet) blir dekka over tid
• område som blir politisk prioritert framover
• samarbeid med andre givarar og organisasjonar gjennom fellesevalueringar og på andre måtar i den grad det er mogleg
• å få fram resultata av verksemda i dei enkelte evalueringsprosjekta
• å halde fram med forsøk med å bruke forskarar og konsulentar frå Sør
• å følgje pengebruken betre i utvalde evalueringar

Programmet er rullerande, og endringar kan gjerast. Gjennomføringa vil til eikvar tid vere avhengig av tilgjengelege ressursar. Det kan også komme nye ønske om evaluering som endrar tidsramma. Månadleg oppdatering av planlagde og pågåande evalueringsprosjekt finn du på nettsida www.norad.no/evaluering.